Page 35 - Ara Lleida - Revista 49
P. 35
LLEIDA DAMB UELHS D’IGERS
“Era fotografia mos permet mostrar causes que mos fascinen,
es persones qu’estimam e es lòcs qu’apreciam“. Qu’ac didec
era reconeishuda fotografa estatunitenca Annie Leibovitz quan
remassèc eth sòn prèmi Príncipe de Asturias en 2013. Ara,
eth popular hilat sociau Instagram, damb mès de mil milions
d’usatgèrs mensuaus actius en mon, permet qu’ua imatge des
arbes en flor d’Aitona, en Segrià, viatge de Lleida enquiara rèsta
de continents. De hèt, aguesta plataforma virtuau a dubèrt es
pòrtes a naues manères de promocion toristica e “Fruiturisme“
qu’ei un exemple evident.
Entà pr’amor de dinamizar economicaments era zòna deth Baix
Segre neishec hè quate ans eth projècte “Fruiturisme“. D’ençà
que comencèc, er aument qu’a estat exponenciau e a arribat
as 18.000 visitaires durant era darrèra campanha. Solaments
en Instagram se tròben mès de 3.000 publicacions damb
eth “hashtag“ o etiqueta #Fruiturisme. Quauqu’ues d’eres
ja an milèrs e milèrs de “m’agrade, likes o còrs“. Ei eth cas
dera fotografia de @lanoiadelbarret. En totau, mès de dotze
mil usatgèrs an vist ja era publicacion d’aguest perfiu virtuau
gestionat per Albert e Raquel, un coble viatjaire de L’Hospitalet
de Llobregat. Detzenats e detzenats de seguidors les demanen
“tà on me cau anar entà veir un paisatge com aguest?“ Ei ua
mòstra der “efècte crida“.
Er estret de Montrebei qu’ei un aute des cornèrs preciosi dera
@rosoardo Prat de Cadí al Parc Natural del Cadí Moixeró https://www.instagram.com/p/BzfUmaoipZO/ demarcacion de Lleida popular enes hilats ath temps que
popularizat pes madeishi hilats. Eth #CongostdeMontrebei que
compde ja damb lèu trenta mil imatges de toristes que l’an visitat.
Era Val d’Aran ei un aute d’aqueri lòcs especiauments viraus
entre es “instatoristes“. Maugrat tot, era constanta recepcion
de viatjaires per lòcs com aguesti demane un especiau suenh
der entorn. Ei per aguest motiu qu’eth Patronat de Turisme
dera Deputacion de Lleida s’a mostrat tostemps favorable a
comunicar messatges de conscienciacion e sensibilizacion per
mejan des sòns canaus de difusion. A trauès dera mèrca Ara
Lleida, er organisme detectèc qu’Instagram lo poderie ajudar en
aqueth trabalh, per aquerò eth 5 d’octobre deth 2012 neishec @
aralleida. Aué en dia, mès de 35.000 persones seguissen aguest
preciós àlbum fotografic virtuau de cornèrs e atractius toristics
dea demarcacion lheidatana. Eth secret? Compartir diàriaments
ua imatge d’un “iger“ —abreviacion d’ “instagramer“, usatgèr
d’Instagram—. Qu’ei atau coma es seguidors vien subjèctes
actius d’@aralleida e ei a trauès des sòns uelhs qu’eth Patronat
hè a conèisher es atractius dera província, ua destinacion damb
#ADNLleida. Autentica, Diferenta e Naturau.
Eth Patronat de Turisme qu’organize tanben quauqui
eveniments entà hèr a conéisher tot aquerò qu’aufrís #Lleida.
Non pas solaments a trauès de concorsi, damb es quaus
s’encoratge a usatgèrs a compartir fotografies dera Hèira de
Marioletes, de FiraTàrrega o der acte de celebracion d’un aute
títol de Marc Márquez. Fomente, tanben, es “Instawalks“. Ua
sòrta de trobada entre igers en un lòc especific tà qu’aguesti
venguen ambaishadors deth lòc e ac compartisquen damb es
sòns respectius seguidors. Eth collectiu Igers Lleida, coordinat
per Xavier Cantons, collabòre tanben ena difusion d’aguesti
eveniments. “Damb cinquanta persones fotografiant un
madeish paisatge obtieràs cinquanta imatges totauments
diferentes“, ditz Cantons sus es “Instawalks“, que
generauments sòlen coïncidir damb activitats concretes, siguen
fisiques, coma ua excursion, o ua experiéncia gastronomica o
@almischi La Noguera Pallaresa. Pallars Sobirà. https://www.instagram.com/p/BwTyoqoAoy2/
culturau.
Ara Lleida qu’a organizat ja vint-e-sèt “Instawalks“. Eth
prumèr que siguec en Parc Nacionau d’Aigüestòrtes e Estanh
de Sant Maurici e aquiu que participèren un trentenat d’igers.
“Hèm difusion deth patrimòni ara nòsta manèra“, explique
Xavier Cantons, “e ei atau coma Instagram a vengut ua guida
virtuau de viatge. Que n’i a que decidissen a trauès d’aguesta
plataforma se quina serà era sua destinacion vacacionau
venenta“.
I a qui ditz que #Lleida enamore pes sòns sabors, coma eth
der òli d’oliva, d’auti diden que son es colors ath long der an
aquerò que reauments sedusís. Era comarca dera Segarra qu’ei
un d’aqueri lòcs a on era policromia ei especiauments notabla.
Es construccions de pèira seca —Patrimòni Culturau Immateriau
dera Unesco d’ençà deth 2018— en contrast damb es colors
deth semiar qu’ei ua d’aqueres postaus qu’arrés s’aurie de
pèrder.
Xus, o @Xus_Boya, qu’ac sabec capturar a trauès deth sòn
objectiu. “Me susprenec descurbir que i a recorruts de bon hèr
que permeten veir e fotografiar aguest tipe de construccions“.
Aguesta instagramer lheidatana a participat en diuèrsi
“Instawalks“. A pujat en Tren des Lacs e a podut degustar es
sabors dera demarcacion. “Non èra pas conscienta de toti es
atractius qu’auem a man“, se sincère Xus.
Ja ac vedetz, #Lleida qu’ei un territòri qu’enamore laguens
e dehòra d’Instagram. Es imatges son de sòni, mès viué’c en
prumèra persona qu’ei encara mès incredible. Atau qu’ara
pòt èster un bon moment entà daurir aguesta guida virtuau
de viatge e trigar en quin cornèr dera demarcacion haratz era
vòsta següenta fòto.
@indiboix Parc Natural de l’Alt Pirineu https://www.instagram.com/p/Budk1ppBtfc/