Representants de Patronat de Turisme de la Diputació de Lleida, eth vicepresident, Juan Antonio Serrano, e eth director der organisme, Juli Alegre, visitèren eth passat mes d’abriu era comarca de Solsonés entà conéisher de prumèra man es projèctes que s’an executat, mercés ath plan qu'impulse annaument er organisme entà qu'es conselhs comarcaus amien a tèrme accions de promocion toristica.
Pendent era visita en Solsonés, es responsables de Patronat de Turisme s'amassèren damb era presidenta deth conselh, M. Claustre Sunyer, eth conselhèr comarcau de Torisme, Xavier Vilalta, e es tecnicianes de torisme de Solsonés, Esther Santaulària e Ester Sabata.
Ath long der encontre, eth vicepresident destaquèc era importància d’anar coordinadi, Patronat e conselhs, entà arténher ua promocion toristica eficaça e alinhada damb es besonhs de cada comarca. En concrèt, e en tot hèr referéncia a Solsonés, Serrano destaquèc eth gran potenciau toristic dera comarca e assegurèc qu'aguest tipe de reünions son de besonh entà definir linhes d’accion concrètes e entà contunhar de posicionar era destinacion.
Cau rebrembar qu'aguest Plan d’ajudes as Conselhs Comarcaus ei dotat damb 460.000 euros, qu'es entitats comarcaus deth Pirenèu e es Tèrres de Lhèida receben mejançant ua ajuda de 40.000 € entara promocion toristica des comarques lheidatanes, a excepcion deth de Cerdanha, dividida en dues demarcacions, que ne recep 20.000.
Mès informacion:
