Eth diuendres, 17 d’abriu se barrèc era dusau edicion deth Congrès de Campings de Catalonha, celebrat en La Seu d’Urgell e organizat pera Federacion Catalana de Campings, damb eth supòrt de Patronat de Turisme de la Diputació de Lleida, dera Agéncia Catalana de Torisme e de Turisme de la Seu.

Pendent era clausura, eth president dera Deputacion de Lhèida, Joan Talarn, assegurèc que “deféner eth camping ei deféner ua manèra de hèr país: mès sostenible, mès arraïtzada e mès umana”. Tanben expliquèc qu'aguest tipe d’establiments hèn partida der ADN deth Pirenèu e es Tèrres de Lhèida, pr'amor que son natura e autenticitat e son un pilar important dera aufèrta toristica deth territòri.

Era demarcacion de Lhèida compde damb 65 establiments que somen mès de 22.700 places. Est'an passat es campings receberen 244.066 toristes (des quaus 38.141 sigueren estrangèrs), que generèren 749.859 estades (damb 95.104 de visitaires internacionaus).

Es campings son un modèl toristic que complís damb es valors que se defenen en Patronat de Turisme: un torisme respectuós damb er entorn, qu'apòrte valor ahijuda ath territòri e que sigue basat ena qualitat. Ath delà, cau destacar era fidelitat des toristes qu'òpten per aguest tipe de lotjament en Lhèida, ua fidelitat que s’artenh damb professionalitat, damb un bon servici, damb innovacion e damb ua experiéncia que priorize valors coma son eth temps, era cauma e era vertat.

Mès informacion:

https://www.campingsdecatalunya.org/congres-de-campings-de-catalunya/