Eth president dera Diputació de Lleida, Joan Talarn, e eth paer en cap der Ajuntament de Lhèida, Fèlix Larrosa, an signat, eth passat mes de mai, era convencion de collaboracion entà impulsar era promocion e difusion der ensem des blancaries dera Rambla Ferran.
Damb ua durada de 4 ans, era convencion establís trabalhar amassa entà promòir toristicament es Blancaries, un espaci emblematic dera ciutat de Lhèida que, dempús deth procès de museïzacion, devierà un nau punt d’interès culturau e patrimoniau entara ciutat. Er acòrd tanben preve mecanismes de collaboracion entre andues administracions entà optimizar era organizacion des visites e coordinar-ne era programacion de manèra conjunta.
Es Blancaries an recebut 1.240 visitaires dempús dera sua redubertura, ena quau s’incorporèren projectors e ologrames entà garentir ua experiéncia immersiva en aguest espaci qu’explique eth ròtle qu’aueren e era sua istòria (s’aufrissen dues projeccions audiovisuaus, tàs 10 h 30 e 12 h 30).
Era signatura d’aguest acòrd refortís eth compromés des dues administracions entà consolidar es blancaries coma un actiu culturau e toristic de referéncia dera ciutat de Lhèida.
Mès informacion:
https://www.lleidaturisme.cat/ca/agenda/les-adoberies-de-la-diputacio
