Patronat de Turisme de la Diputació de Lleida, en collaboracion damb era Oficina Española de Turismo de Turespaña en Munic (Alemanha) e eth supòrt deth Conselh Comarcau de Palhars Jusan, eth passat mes de junh a organizat un presstrip de promocion deth ciclotorisme entara revista alemanda Mountainbike Magazin, centrat ena aufèrta de BTT en Palhars Jusan.
Eth jornalista alemand Adrian Greiter, damb ampla experiéncia en reportatges de ciclisme, visitèc era comarca pendent sies dies, ath long des quaus podec realizar diferentes rotes en BTT de nivèu tecnic mejan-naut e descorbir es endrets mès emblematics dera zòna. Greiter publicarà un ample reportatge dera sua experiéncia per tèrres palhareses ena revista alemanda Mountainbike Magazin.
Se tracte d’ua des publicacions de referéncia en ciclisme de montanha deth mercat germanoparlant. A un tiratge d’uns 32.000 exemplars e ua audiéncia estimada d’apròp de 390.000 lectors per numèro, ath delà d’ua solida preséncia digitau en Alemanha, Àustria e Soïssa.
Aguest presstrip s’enquadre laguens des accions de promocion dera aufèrta de BTT en Pirenèu e enes Tèrres de Lhèida, qu’eth Patronat amie a tèrme enes mercats internacionaus, damb er objectiu de plaçar era destinacion en mapa ciclista europèu.
Mès informacion:
