Campings de Lhèida impulse aguest ostiu era campanha ’Slow Camping Lhèida’, ua prepausa inspirada ena filosofia  slow, neishuda en Itàlia enes ans ueitanta coma responsa a un estil de vida cada viatge mès accelerat. Amiada ath mon deth camping, aguesta manèra de compréner es vacances convide a víuer ua estada mès conscienta, pausada e connectada damb er entorn.

Era iniciativa revindique ua naua forma de descorbir eth Pirenèu e es Tèrres de Lhèida, en qu’eth lotjament ei solament eth punt de partida d’ua experiéncia mès autentica. Ath delà de visitar ua destinacion, se tracte de gaudir-ne damb cauma, en tot hugir des massificacions e en tot jogar era carta des espacis dubèrts, natura, gastronomia, cultura e producte de proximitat. Un modèl pensat entà campaires que vòlen caminar, pedalar, respirar, compartir temps damb era familha o es amics e connectar damb eth territòri.

En aguest sens, es campings e resòrts associadi prepausen experiéncies adaptades ath ritme de cada visitaire, damb activitats ar aire liure coma eth senderisme, era bicicleta, eth caiac, era pesca o eth parapent, tostemp a compdar d’ua perspectiva mès tranquilla e respectuosa damb er entorn.

Mès informacion:
https://slowcamping.campingsdelleida.com/