Era Junta Generau de Patronat de Turisme de la Diputació de Lleida aprovèc eth passat 6 de junhsèga era naua convocacion deth plan de cooperacion entàs conselhs comarcaus deth Pirenèu e es Tèrres de Lhèida, qu’a per tòca favorizar era promocion toristica deth territòri. Coma cada an, eth plan includís eth finançament d’accions de difusion e de comunicacion toristica, maugrat qu’enguan i a ua nauetat: se cree ua dotacion destinada as despenes d’investiment, tostemp restacades a accions toristiques.
Es accions subvencionables que s’incorpòren ara convocacion son: era installacion d’elements promocionaus fixes coma per exemple vinils informatius, era melhora dera accessibilitat as burèus de torisme, era installacion d’equipament tecnologic entàs visitaires, era creacion o renauiment dera web toristica dera comarca, eth desvolopament d’aplicacions mobiles de promocion, era implementacion de sistèmes de resèrva e inscripcion integradi ena web e era produccion de fotografies, vidèos e contenguts digitaus entàs hilats sociaus.
Era dotacion deth plan ei de 460.000 euros (40.000 euros per conselh comarcau, damb es excepcions de Cerdanha que ne recep 20.000 e Val d’Aran, qu’a ua convencion pròpria damb era Deputacion). D’aguesta chifra totau, 355.000 euros se destinaràn a accions de promocion toristica e es auti 105.000 euros, as despenes d’investiment.
Damb aguesta convocacion se da responsa as besonhs qu’es conselhs comarcaus an comunicat a Patronat de Turisme. Atau, a compdar der organisme toristic se contunhen d’amiar a tèrme accions que contribuïssen a plaçar eth Pirenèu e es Tèrres de Lhèida coma ua destinacion lidèr en torisme d’interior e de montanha, e se faciliten investiments que ajudaràn a melhorar tant es airines de promocion coma era experiéncia des visitires.
Mès informacion:
