Patronat de Turisme de la Diputació de Lleida ven d’editar un nau numèro dera revista Ara Lleida, que, ath long des darrèri 35 ans, a devengut ua des melhores cartes de presentacion deth sector toristic deth Pirenèu e Tèrres de Lhèida. En tot mantier era qualitat literària e grafica de tostemp, era revista celèbre ua escadença fòrça especiau: arribe as 60 numèros dera publicacion.

Per aguest motiu, aguesta edicion a un doble objectiu. D’un costat, rebàter de manèra fidèla e agradiva quauques uns des atrèts qu’an hèt dera demarcacion de Lhèida ua des destinacions d’interior e montanha mès predades deth país. E, d’un aute costat, hèr un petit aumenatge a totes aqueres persones ―jornalistes, escrivans, fotografs, responsables de mesa en pagina e tanben representants deth sector toristic― que’an hèt possibles aguestes 6.000 pagines de promocion deth melhor torisme.

En aguesta revista eth Patronat publique reportatges sus era emocion deth rafting en Noguèra Palharesa, ua prepausa qu’enguan celèbre eth 40au aniversari des prumères baishades, eth susprenent patrimòni monumentau, es plasers deth termalisme, era valor dera gastronomia tradicionau, es encants dera Val d’Aran e era importància qu’an entath visitaire es guides de natura o es agéncies receptives. Se tracte d’ua mòstra des prepauses mès emblematiques e significatives qu’aufrís era demarcacion, mès qu’en cap cas son es uniques, pr’amor qu’es possibilitats son infinides.

Se pòt consultar era Revista Ara Lleida en aguest ligam: https://aralleida.cat/revista-ara-lleida/