Era jornalista Agneta Elmegård, deth diari suedés Aftonbladet, eth mès venut en país escandinau, visitèc es Tèrres de Lhèida e es Pirenèus eth passat mes d’abriu, damb er objectiu de realizar un reportatge sus observacion d’audèths, fondamentaument arriangs. Eth viatge hège partida d’ua accion de promocion deth projècteirding Èbre Pirenèus, referent internacionau en torisme ornitologic.
Era jornalista podec enguardar arriangs e d’autes espècies en Palhars Jusan, acompanhada d’un guida locau. Tanben hec ua rota guidada a partir de Montsonís, entà descorbir era riquesa d’espècies deth Prepirenèu e es Tèrres de Lhèida e acabèc era jornada en estanh d’Ivars e Vila-sana.
D’un aute costat, eth Pirenèu de Lhèida acuelhec deth 27 ath 29 d’abriu un viatge de premsa adreçat ath mercat deth Benelux, impulsat peth Centre de Promocion Toristica dera Agéncia Catalana de Torisme en aguest mercat damb era collaboracion deth Patronat, damb er objectiu de promòir era seccion 4 deth Grand Tour de Catalunya coma destinacion de torisme familhau. Era jornalista bèlga Barbara Lensen e era sua familha explorèren es comarques de Naut Urgelh e Cerdanha entath portau especializat Vakantie met Kinderen (vacances damb mainatges, en neerlandés), mejan de referéncia per çò qu’ei d’aguest sector en mercat de lenga neerlandesa. Eth grop familhau gaudic de prepauses de natura, aventura, patrimòni e benèster.
Tanben, en quadre dera promocion deth torisme familhau, era revista Descobrir Catalunya amièc a tèrme entre er 1 e eth 3 de mai un des dus reportatges acordadi entà enguan en collaboracion damb Patronat de Turisme, entara sua seccion Territori menut. Cadun includís contenguts en diuèrsi formats: stories prealables ara publicacion, cronica ena revista damb guida practica e illustracions, ampliament en web Descobrir.cat, aparicion en newsletter e promocion enes hilats sociaus. Descobrir a mès de 10.000 lectors mensuaus en papèr e 100.000 seguidors enes canaus digitaus.
Era jornalista Cristina Torra, responsabla digitau de Descobrir.cat e era sua familha recorreren Urgelh damb autocaravana e visitèren eth Parc de Sant Eloi de Tàrrega, eth Musèu deth Torrom e eth Chicolate d’Agramunt, Mas de Colom, eth Monastèri de Vallbona de les Monges e passegèren pes nuclèus istorics de Guimerà e Ciutadilla (a on coïncidiren damb er Encontre de Grops de Recreacion Medievau).
Mès informacion:
