Patronat de Turisme de la Diputació e The Trail Zone, enterpresa especializada ena practica deth trail running, an entamenat ua collaboracion entara promocion des circuits qu’entara practica d’aguesta activitat esportiva i a en Pirenèu e es Tèrres de Lhèida.

The Trail Zone, que cree recorruts e destinacions entara practica d’aguest espòrt, prepause en Pirenèu e es Tèrres de Lhèida quate circuits de cuerta distància (d’uns 10 km), dotze de mejana distància (enquia 24 km), ueit de longa distància (enquia 43 km) e cinc de verticaus, trajèctes cuerti mès damb un fòrça fòrt desnivèu, qu’arriben enquia ua altitud de 2.900 mètres.

Aguesti circuits se tròben repartidi per totes es comarques lheidatanes, son classadi per distàncies e se pòden seguir per GPS. The Trail Zone destaque qu’es recorruts an ua grana varietat (i a circuits tecnics, damb grinches, senders de bòsc e pistes rapides), permeten simular quinsevolha corsa deth calendari de competicion, çò que les hè idonèus entà entraïnar, e que tota era informacion e tracks se pòden consultar facilament en web oficiau.

Frut d’aguesta collaboracion, era enterpresa harà dus reels damb era informacion d’aguesti circuits e imatges d’accion en Instagram (https://www.instagram.com/thetrailzone/) e manarà dus mailings a totes es adreces dera sua ampla basa de donades d’usatgèrs practicants de trail running.

Damb aguesta collaboracion, Patronat de Turisme vò dar visibilitat ara ampla aufèrta de circuits de trail running deth territòri, refortir era promocion deth torisme actiu e atrèir practicants d’aguesta especialitat de pertot der Estat e d’auti mercats internacionaus.

Mès informacion:
https://aralleida.cat/zones-trail-running/