Era Agéncia Catalana de Torisme, damb era collaboracion de Patronat de Turisme de la Diputació de Lleida, organize ua session de trabalh sus es oportunitats deth torisme enes comarques de Lhèida. Era jornada, que se debanarà eth venent 18 de junh, en Institut d’Estudis ilerdencs, a per objectiu analisar es tendéncies e refortir era competitivitat deth sector.
Professionaus e enterpreses deth sector toristic coneisheràn de prumèra man:
• Es principaus tendéncies deth sector e oportunitats entà adaptar-se ara demanda.
• Es previsions de demanda enes comarques de Lhèida e era analisi des mercats internacionaus.
• Coma, a trauès d’Intellitur, identificar mercats en creishement, compréner es visitaires e adaptar era aufèrta (producte, prètz e canaus)
• Es accions promocionaus e recorsi disponibles entà impulsar era demanda e eth creishement empresariau.
• Era reputacion deth torisme e era sua contribucion ath benèster dera populacion.
Era session se presente coma un espaci de coneishença, reflexion e escambi d’experiéncies entre es diferenti agents deth sector, damb era tòca de contunhar d’auançar de cap a un modèl toristic mès competitiu, sostenible e alinhat damb es besonhs deth territòri.
Mès informacion e inscripcions:
