Eth Musèu de Lhèida consèrve un bon nombre d’òbres d’art qu'un dia decorèren era Seu Vella, enquia qu'era anciana catedrau dera ciutat siguec convertida en casèrna militar en s. XVIII. Ara, ua naua rota que amasse era visita ath musèu e ath monument permet descorbir-les e ath madeish temps hèr-se ua idèa dera riquesa decorativa en epòca medievau e reneishentista dera bastissa.
Era naua rota combinada s'inaugurèc eth passat 19 d’abriu, en tot coïncidir damb era dimenjada deth Dia internacionau des Monuments e es Lòcs Istorics que s’auie celebrat eth dia abans. Eth recorrut guidat, d’ua durada aproximada de dues ores, explique diuèrsi espacis emblematics dera Seu Vella e dempús se desplace ath Musèu de Lhèida entà enguardar ua trentea de pèces que hè sègles auberguèc.
Era rota a un prètz de 10 euros e es entrades se pòden aquerir ena recepcion dera Seu Vella o en linha en web ticketara.com.
Mès informacion:
