Era 62au edicion deth Ralli Internacionau dera Noguèra Palharesa, impulsada per Associació Esportiva Pallars damb eth supòrt der Ajuntament de Sort, se celèbre entre eth 9 de mai e eth 28 de junh damb un ample programa de competicions e activitats restacades ath canoè-caiac e as espòrts d’aigües briventes. Er eveniment a coma scenari era Noguèra Palharesa, considerat un des arrius de referéncia en Euròpa entara practica d’aguestes disciplines.
Ath long de quasi dus mesi, esportistes e visitaires poderàn participar o assistir a prepauses fòrça diuèrses, coma era baishada populara o era infantila, es pròves d’eslalòm o es competicions de caiac-pòlo. Tanben i aurà activitats mès tecniques e espectaculares, coma es pròves d’esquimautatge, destinades a méter ara espròva era adretia des palistes, e tanben sessions de rafting que permeteràn gaudir der arriu en equipa e en plea natura.
Ath delà der encastre estrictament esportiu, eth Ralli Internacionau dera Noguèra Palharesa, reconeishut coma Hèsta d’Interès Toristic Nacionau, s’a convertit en ua grana celebracion der espòrt e deth territòri, damb prepauses pensades entà toti es publics. Entre es activitats mès hestives destaquen era tradicionau paèlha populara deth 25 de junh e era vrespejada de tacos prevista entath 26 de junh.
Per çò qu’ei d’eth programa esportiu oficiau deth 2026 lo podetz trapar en: https://riu.sort.cat
Ath delà des competicions oficiaus, era organizacion a premanit diferentes pròves open de caractèr ludic e participatiu, que cada an atrèn a participaires arribadi de diferenti punts deth país e que contribuís a refortir eth Palhars Sobeiran coma ua destinacion de referéncia en torisme actiu e es espòrts d’aigües briventes.
Mès informacion:
https://www.aepallars.org/noticia.php?id=999
Programa: https://riu.sort.cat/competicions/62e-ralli-internacional-de-la-noguera-pallaresa/
