Patronat de Turisme hec partida dera jurada e dec soten ath projècte intermodular ANIMA’T, celebrat eth passat 20 d’abriu. Aguesta iniciativa a per tòca potenciar era creativitat, eth talent e era innovacion entre es escolans des encastres dera ostalaria, eth torisme e es industries alimentàries, e tanben promòir abiletats coma era gestion deth temps e era organizacion deth trabalh jos pression. Eth projècte tanben vò impulsar eth trabalh en equipa, er esperit de superament e apressar eth centre educatiu ara realitat deth mon professionau.
En aguesta edicion d’ANIMA’T i participèren 18 escolans, un representant de cada cicle, cors e nivèu formatiu. Pendent tota era jornada, es estudiants hèren tèsta a diuèrses espròves deuant dera jurada relacionades damb es especialitats de codina, hornaria, pastissaria, servicis de restaurant e atencion ath client. Eth concors includie exercicis practics individuaus, eth servici d’un coffee break e eth premaniment d’ua prepausa gastronomica destinada as membres dera jurada.
Mès informacion:
